Panton Aceh KARAM DI DARAT

          "Karam Di Darat"


Raket bak pineung dalam krueng teungoh meurapat
Raket bak langsat meu sapat di ateuh jalan
Karam di ureung meu sareung di laot bakat
Karam di darat hai sahbat di uloen tuwan

Golom ku teumeung meu diyeung lage nyoe radat
Golom ku tupat pat teumpat nyoe keujadian
Di thoen sikureung ku bileung masa jameun that
Hana riwayat teu surat na keujanggalan

Tapi bek hireun hai aduen jinoe ka mupat
Uroe nyoe meuhat keu phoen that uloen rasakan
Sigra ku labeun dua seun dalam hikayat
Malee cukop brat di darat karam loen tuwan

Meunan keuh jangeun hai aduen uIoen ibarat
Hate saket that meu tat-tat di dalam badan
Cinta loen peutheun wie uneun bek putoh ikat
Tapi sahabat rapoh that taloe ikatan

Putoh bak teubuen meu labeun sigoe ditakat
Taloe meulipat gura that anco meu khan-khan
Han ji peureumeun uloen kheun kata nasehat
Keubit bit jeungkat tega that tan peurasaan

Dari phoen jameun ta bangun cinta ta pikat
Janji ta ikat beu sapat dua droe insan
Uloen pih hireun peukateun jinoe laen that
Putoh neupakat sep gawat leh pue tujuan

Meunyoe han neutueng bek neu plueng cara meukarat
Peugah beu teupat pue seubab neubi alasan
Dak tan peuteumuen geu suyueng le po hazarat
Beujeut sahabat yang akrab adak pih mantan


                              Karya; Cek Wandy